Alí vén o inverno
Os nosos compañeiros e compañeiras de 3ºPMAR, coa guía de Helena, están a traballar sobre a riqueza do refraneiro popular no tocante á meteoroloxía e nos mandan un interesante texto sobre a chegada do inverno:
Cando Santos acaba, o inverno comeza.
Estes últimos días
de novembro o saber popular acerta. Comezou o frío e as primeiras xeadas fan
branquear as mañás luminosas. Xa se sabe,
despois de San Martiño, fame e frío. Esperemos que fame non, aínda que
podemos entender, ao contemplar os campos sen cultivos, por que o dicían os
nosos devanceiros.
A pesar de
presentárense solleiros, os días son curtos e un fato de escuridade invade as
tardes. Quédanos a esperanza de que por
Santa Lucía comece a crecer o día.
Pola súa parte, os nosos compañeiros e compañeiras de lingua castelá de 1º da ESO, capitaneados por Marta, andan á caza de refráns meteorolóxicos!! Moita sorte!!
Comentarios
Publicar un comentario